SUS: Íslendingar mega ekki tapa fyrir sjálfum sér
- Skattgreiðendur hafni Icesave ánauð ríkisstjórnarinnar

Samband ungra sjálfstæðismanna (SUS) ítrekar andstöðu sína við það að íslenskir skattgreiðendur verði látnir greiða fyrir Icesave reikninga Landsbankans í Bretland og Hollandi.

Ljóst er að hvorki íslenskur almenningur né stjórnvöld stofnuðu til innlánsreikninga í Bretlandi og Hollandi – heldur var um einkarekinn banka að ræða. Þá ítreka ungir sjálfstæðismenn að Tryggingasjóður innstæðueigenda er sjálfstæður og að það er ekki á ábyrgð skattgreiðenda að greiða skuldir hans.

Ríkið á ekki að ábyrgjast eða greiða fyrir fall eða skuldir einkafyrirtækja. Dugi endurheimtur úr þrotabúi Landsbankans ekki til, verður að líta á það sem glatað fé, eins og eðlilegt er í heimi viðskipta. Skattgreiðendur, sem nú leggja hart að sér að greiða nýhækkaða skatta vinstri stjórnarinnar, bera enga ábyrgð á þeim viðskiptum sem hér um ræðir.

Málstað Íslands verði haldið á lofti

Ungir sjálfstæðismenn átelja sem fyrr ríkisstjórn Jóhönnu Sigurðardóttur fyrir að tala ekki máli Íslendinga erlendis. Ef ekki hefði verið fyrir þrotlausa baráttu stjórnarandstöðunnar á Alþingi og sjálfstæðra aðila á borð við InDefence, hefði ríkisstjórn Jóhönnu, með fulltingi Steingríms J. Sigfússonar og liðsmanna hans, skuldbundið íslenska skattgreiðendur og afkomendur þeirra, þrátt fyrir að engin lög kveði á um ábyrgð almennings á þeim skuldbindingum.

Baráttu stjórnarandstöðunnar ber að þakka. Ungir sjálfstæðismenn vilja þó ítreka fyrir forystu Sjálfstæðisflokksins að þeir muni ekki sætta sig við málamiðlun sem hefur það í för með sér að kostnaður lendi á skattgreiðendum vegna Icesave. Það er ekki hægt að semja um skuld sem ekki hefur verið stofnað til og bæði stjórn og stjórnarandstöðu á að vera það fullljóst.

Ungir sjálfstæðismenn hvetja ungt fólk til að segja nei í atkvæðagreiðslunni

Að lokum hvetja ungir sjálfstæðismenn alla til að mæta á kjörstað næstkomandi laugardag, 6. mars, og segja NEI við því að lög 1/2010 taki gildi. Áróðursmeistarar stjórnarráðsins eru nú þegar farnir að gera lítið úr þjóðaratkvæðagreiðslunni þrátt fyrir að hafa talað fyrir því í mörg ár að þjóðin fengi að segja álit sitt á einstökum málum.

Icesave málið er einstakt mál. Burtséð frá flokkadráttum og samvinnu í pólitík, þá hvetja ungir sjálfstæðismenn Íslendinga til að tapa ekki fyrir sjálfum sér í þessu máli. Því er mikilvægt að sem flestir kjósi og segi NEI við lögunum sem skuldbinda framtíðarkynslóðir. 

Ágæti formaður Ísafoldar,

ég rita þetta bréf fyrir hönd Sambands ungra sjálfstæðismanna til að færa ykkur heillaóskir vegna stofnunar félagsins. Ég fagna frumkvæði ykkar að stofnun þverpólitísks vettvangs ungs fólks með það að markmiði að hlúa að og varðveita fullveldi og sjálfstæði landsins. Á umbrotstímum sem þessum rísa upp raddir sem telja að leysa megi vandamál þjóðarinnar með því að fela öðrum forræði yfir málefnum hennar. Þessum röddum verður að mótmæla hátt og skýrt, líkt og Samband ungra sjálfstæðismanna hefur gert á liðnum árum, enda er sjálfstæði Íslands hornsteinn sjálfstæðisstefnunnar. Ég óska þess að barátta ykkar gangi sem best og býð ykkur að leita til okkar í sambandinu ef við getum veitt ykkur lið.

Með vinsemd og virðingu,
Ólafur Örn Nielsen
formaður Sambands ungra sjálfstæðismanna

Ný stjórn hefur tekið við eftir aðalfund Baldurs sem fór fram í gær fimmtudaginn 18. febrúar.

Í nýju stjórninni sitja:

Rúnar Nielsen; formaður

Skúli Jón Friðgeirsson
Sigurður Logi Snæland
Guðrún Nielsen
Pétur Rafnsson

Við bjóðum nýju stjórnina velkomna til starfa.

Fjármálaráðherra sagði þar að beita ætti ríkissjóði til að fjármagna sérstaklega áróður ríkisstjórnarinnar fyrir samþykki svokallaðs nýs Icesave frumvarps í væntanlegri þjóðaratkvæðagreiðslu.

Stjórn Sambands ungra sjálfstæðismanna sendi, þann 19. janúar 2010, umboðsmanni Alþingis bréf vegna ummæla fjármálaráðherra í viðtali við fréttastofu Stöðvar 2 á Bylgjunni, sunnudaginn 10. janúar síðastliðinn.

Fjármálaráðherra sagði þar að beita ætti ríkissjóði til að fjármagna sérstaklega áróður ríkisstjórnarinnar fyrir samþykki svokallaðs nýs Icesave frumvarps í væntanlegri þjóðaratkvæðagreiðslu.

Umboðsmaður svaraði í dag bréfi SUS og kemur fram í svarinu að hann telji að stjórnvöldum eða einstaka ráðherrum sé heimilt að láta útbúa kynningarefni vegna þjóðaratkvæðagreiðslunnar um Icesave málið á kostnað ríkissjóðs, en telur að stjórnvöld þurfi að gæta að því að framsetning þess sé eins hlutlæg og kostur er. 

Farið verður yfir grunnatriði í ræðumennsku og einnig verður sérstaklega gerð grein fyrir keppnisræðumennsku. Námskeiðið mun enda með ræðukeppni á milli þáttakenda og hlýtur sigurverarinn titilinn Ræðumaður SUS 2010.

Samband ungra sjálfstæðismanna stendur fyrir ræðunámskeiði fyrir framhaldsskólanema. Fyrri hluti fer fram klukkan 17 fimmtudaginn 28. janúar og síðari hluti klukkan 17 laugardaginn 30. janúar. Boðið verður upp á veitingar. Námskeiðið verður haldið í Valhöll, Háaleitisbraut 1.

Farið verður yfir grunnatriði í ræðumennsku og einnig verður sérstaklega gerð grein fyrir keppnisræðumennsku. Námskeiðið mun enda með ræðukeppni á milli þáttakenda og hlýtur sigurverarinn titilinn Ræðumaður SUS 2010.

Leiðbeinendur eru Gísli Marteinn Baldursson, borgarfulltrúi og Ari Guðjónsson, laganemi, sem báðir eru reyndir ræðuþjálfarar,

Aðalfundur Eyverja 2010 verður haldinn í Ásgarði laugardaginn 30. janúar næstkomandi kl. 17:00, á dagskrá eru venjulega aðalfundarstörf. Framboðum til stjórnar og trúnaðarstarfa skal skila viku fyrir fundinn á eyverjar@eyverjar.is.

Stjórn Eyverja

Aðalfundur Eyverja 2010 verður haldinn í Ásgarði laugardaginn 30. janúar næstkomandi kl. 17:00, á dagskrá eru venjulega aðalfundarstörf. Framboðum til stjórnar og trúnaðarstarfa skal skila viku fyrir fundinn á eyverjar@eyverjar.is.

Fjármálaráðherra sagði þar að beita ætti ríkissjóði til að fjármagna sérstaklega áróður ríkisstjórnarinnar fyrir samþykki svokallaðs nýs Icesave frumvarps í væntanlegri þjóðaratkvæðagreiðslu.

Stjórn Sambands ungra sjálfstæðismanna (SUS) hefur sent umboðsmanni Alþingis bréf vegna ummæla fjármálaráðherra í viðtali við fréttastofu Stöðvar 2 á Bylgjunni, sunnudaginn 10. janúar síðastliðinn.

Fjármálaráðherra sagði þar að beita ætti ríkissjóði til að fjármagna sérstaklega áróður ríkisstjórnarinnar fyrir samþykki svokallaðs nýs Icesave frumvarps í væntanlegri þjóðaratkvæðagreiðslu.

Frétt um málið og bréfið til umboðsmanns má finna hér: http://mbl.is/mm/frettir/innlent/2010/01/19/sus_kvartar_vegna_ummaela_fjarmalaradherra/

Í stjórn félagsins sitja nú; Benedikt Hallgrímsson formaður, Egill Örn Gunnarsson, Guðmundur Heiðar Helgason, Guðrún Anna Atladóttir, Gunnsteinn Finnsson, Jóhann Valur Sævarsson, Rafn Steingrímsson, Sigrún Kristjana Hjartardóttir og Víðir Smári Petersen. Í varastjórn voru kjörnir Ingþór Hjálmar Hjálmarsson, Ingvi Þór Sæmundsson, Kristján Ingi Jóhannesson og Unnar Freyr Jónsson.