Greinar á www.sus.is
Við stöndum vörð um þitt frelsi
Ungir sjálfstæðismenn trúa á frelsi mannsins og mannsandans. Frjáls viðskipti eru grundvöllur viðvarandi hagsældar á Íslandi og forsendur efnahagslegra framfara. Ríkisvaldið á því að lágmarka afskipti sín af viðskiptum einstaklinga og fyrirtækja.
Ungir sjálfstæðismenn styðja Sjálfstæðisflokkinn að málum og fylgja sjálfstæðisstefnunni, sem setur traust sitt á sérhvern einstakling og frelsi hans í þeirri vissu, að fái frumkvæði hans, framkvæmdaþróttur og kapp notið sín, miði skjótast áfram. Menn eiga að fá notið ávaxta verka sinna og sjá tilgang í því að leggja sig alla fram. Sagan sýnir að þegar saman fer jafnrétti manna og umbun fyrir erfiði og atorku, þá miðar þjóðfélaginu sem heild hraðast fram á veg.
Ungir sjálfstæðismenn geta verið stoltir af sögu sinni. Mörg framfaramál á Íslandi hafa átt uppruna sinn innan raða ungra sjálfstæðismanna. Nokkur nýleg dæmi eru frjáls útvarps- og sjónvarpsrekstur, sala bjórs, jöfnun atkvæðavægis, samkeppni á farsímamarkaði, frelsi til útsendinga gervihnattastöðva, vaxtafrelsi, einkavæðing atvinnuvega, niðurgreiðsla skulda, lækkun skatta og frjáls afgreiðslutími verslana.
Stefna Sambands ungra sjálfstæðismanna er mótuð á þingum sambandsins.
Auglýsing
