Fréttir
Ræðunámskeið SUS
Samband ungra sjálfstæðismanna stendur fyrir ræðunámskeiði fyrir framhaldsskólanema. Fyrri hluti fer fram klukkan 17 fimmtudaginn 28. janúar og síðari hluti klukkan 17 laugardaginn 30. janúar. Boðið verður upp á veitingar. Námskeiðið verður haldið í Valhöll, Háaleitisbraut 1.
Farið verður yfir grunnatriði í ræðumennsku og einnig verður sérstaklega gerð grein fyrir keppnisræðumennsku. Námskeiðið mun enda með ræðukeppni á milli þáttakenda og hlýtur sigurverarinn titilinn Ræðumaður SUS 2010.
Aðalfundur Eyverja 2010
Aðalfundur Eyverja 2010 verður haldinn í Ásgarði laugardaginn 30. janúar næstkomandi kl. 17:00, á dagskrá eru venjulega aðalfundarstörf. Framboðum til stjórnar og trúnaðarstarfa skal skila viku fyrir fundinn á eyverjar@eyverjar.is.
Stjórn Eyverja
Fyrirhugaðar aðgerðir fjármálaráðherra brjóta í bága við stjórnarskrá
Stjórn Sambands ungra sjálfstæðismanna (SUS) hefur sent umboðsmanni Alþingis bréf vegna ummæla fjármálaráðherra í viðtali við fréttastofu Stöðvar 2 á Bylgjunni, sunnudaginn 10. janúar síðastliðinn.
Fjármálaráðherra sagði þar að beita ætti ríkissjóði til að fjármagna sérstaklega áróður ríkisstjórnarinnar fyrir samþykki svokallaðs nýs Icesave frumvarps í væntanlegri þjóðaratkvæðagreiðslu.
Fundur um fjölmiðlafrumvarpið
Menntamálaráðherra hefur lagt fram drög að frumvarpi til laga um fjölmiðla. Þar er meðal annars kveðið á að komið verði á fót fjölmiðlaeftirliti og að sett verði skylda á hlutfall evrópsks efnis í fjölmiðlum svo nokkur dæmi séu tekin. Af því tilefni boða Ungir Sjálfstæðismenn til fundar um frumvarpið miðvikudaginn 20. janúar kl. 17:30 í Valhöll að Háaleitisbraut 1. Hildur Sverrisdóttir, lögfræðingur hjá 365 miðlum, verður gestur fundarins og fer yfir helstu þætti frumvarpsins.
Fjölmennasti aðalfundur í sögu Týs: Benedikt Hallgrímsson heldur velli
Fjölmennasti aðalfundur í sögu Týs, félags ungra sjálfstæðismanna í Kópavogi var haldinn í kvöld. Vissulega er það ánægjulegt og viðurkenning á störf félagsins undanfarið hve margir félagsmenn mæta á aðalfund. Að undanskildum hefðbundnum aðalfundarstörfum voru kosningar stjórnar hæst á baugi. Atkvæði voru 222 og fékk framboð Benedikts Hallgrímssonar 114 atkvæði og framboð Péturs Magnúsar Birgissonar 107. Einn seðill var auður.
Ályktanir stjórnar
SUS: Vinstri stjórnin hrekur ungt fólk úr landi
-Skattahækkanir vinstri stjórnarinnar fyrst og fremst aðför að ungu fólki
Ungir sjálfstæðismenn mótmæla skattahækkunaráformum vinstri stjórnarinnar og harma að ekki skuli frekar leitast eftir því að spara í útgjöldum ríkisins. Eins og fram kemur í nýlegum niðurskurðartillögum ungra sjálfstæðismanna hefur útgjaldaaukning ríkissjóðs verið gífurleg síðustu árin og því töluvert svigrúm til að draga saman seglin og ná fram sparnaði.
Við skattleggum okkur ekki úr kreppunni
Stjórn Sambands ungra sjálfstæðismanna sendi frá sér ályktun þann 15. september um skatta og útgjöld ríkisins.
SUS vill að Icesave samningi verði hafnað og málstað Íslands haldið á lofti
Stjórn Sambands ungra sjálfstæðismanna leggst gegn frumvarpi fjármálaráðherra um ríkisábyrgð vegna Icesave samkomulagsins. Stjórnin telur að þær miklu byrðar sem fallið geta á þjóðina vegna samkomulagsins séu langt umfram það sem eðlilegt og sanngjarnt getur talist í ljósi málavaxta.
Auglýsing
